23 درجه من السلوك

السلام عليكم

وشلونكم

السالفه وما فيها ايام الثانويه

فهد خويي : مشعل وش رايك اليوم انشرد


مشعل انا : لا ياخوك ماني فاضي انمسك


فهد : يارجل من يبي يمسكك انت الخبره بالتشريد <<<يرفع بي

مشعل : يارجل تبي تشرد رح انا ما راح اطلع ترا ما بقي لي غير درجتيني وانحرم من الاختبار الناهي <<<<اخس يالداج

فهد: يارجل ما احد يقدر يحرمك انا يقولون لي انحرمت بس ما عليك ادبرها من المدرسين

انا ابي اشرد

مشعل: اجل اسمع إذاطلعت دق على المدرسه وقلهم يطلعوني على انك ولي امري

فهد :اوكي

شرد فهد دق على المدرس

فهد : الووو سلام عليكم
كيف الحال

المدير : وعليكم السلام
الحمد لله


فهد : بالله بغيت الطالب مشعل ال ... إذا ممكن صف 3 ج

المدير : من معي ؟؟

فهد : ولي امره

المدير : طيب ما انت فهد

فهد : هاه

المدير : تبي مشعل هاه والله لا اوريك انت وياه مشرد هاه

فهد طبق السماعه بوجه

المدير جاء للفصل انا مجهز كتبي وين مشعل وانا اقوم مستانس الحين اطلع ياهوووووووو واقهر اخوياي اني ابي اطلع وهم ينقدون علي ليه ما علمتنا

وانا اقوم واخذ كتبي معي قالي تعال طلع وانا قاعد اقهر الشباب

جينا عن الاداره قالي المدير انتظر هينا شوي قلت يبي يعطيني ورقه خرووج

شوي ولا جايني الوكيل تعال وياخذني معه فوق

والله وانا استانس خالص طالع طالع

وليه يا مشعل تبي تطلع

ما ادري يمكن الاهل يبون شي

طيب من قالك تجيب كتبت معك ترون المدير ما قالي جب الكتب قالي تعال وبس

هاه والله شكيت لاني ما عمري طلعت من الحصه بدون سبب <<<<<اي هين خاصه حصة الانقليزي مشرد

طيب تعال
ايوووه اكلناها

وخمس درجات من السلوك يعني صار ناقصني 23 درجه قلت بس الاختبار ما راح ادخله

وش السالفه يا استاذ وش السالفه تعرفها بكره بالطابور

ثاني يوم جلد عشر عصي قدام الطابور المشكله استهبال على الاداره وحرمان اسبوع من الدراسه

وسلامتكم


انشالله اني ما ثقلت عليكم

خخخخخخخخخخخخخخخخخخخخخخخخخخخخخخخخخخخخخخخخخخخخخخخخخخ



الحياة بلا تهريب من المدارس لا تسوى شيئا






يسلمووو عالموضوع الزويحف